जारी गरिएको मिति: २०७५/०६/३१
यो बीमा योजना योजना अन्र्तगत बीमालेखको प्रत्येक वर्ष वार्षिकोत्सव मितिमा बीमाङ्कको ५(पाँच) प्रतिशत रकम भुक्तानी गरिनेछ । यसरी यो योजनाले नियमित नगद प्रवाहको आवश्यकता पूरा गर्नुका साथै बीमाङ्कको पूर्ण रकम बराबरको रक्षावरण पनि प्रदान गर्दछ ।
परिपक्वता सुविधाः
१. १५ वर्ष अवधिको लागि: बाँकी बीमाङ्क रकम + आर्जित बोनस
२. २० वर्ष अवधिको लागि: बाँकी बीमाङ्क रकम + आर्जित बोनस + बीमाङ्क रकमको १० प्रतिशत थप (एक पटकको लागि)
मृत्यु भएमाः
इच्छाइएको व्यक्तिलाई बीमाङ्क रकम (वार्षिक भुक्तानी गरिसकेको रकम नघटाई) र आर्जित बोनस प्रदान गरिने ।
योग्यता:
न्यूनतम बीमाङ्क रकम रु १००,०००
अधिकतम बीमाङ्क रकम सिमा नभएको
न्यूनतम प्रवेश उमेर १८ वर्ष
अधिकतम प्रवेश उमेर ५५ वर्ष
अधिकतम् बीमा समाप्ती उमेर ७५ वर्ष
बीमालेख अवधि १५ र २० वर्ष
अतिरिक्त सुविधाहरु:
दुर्घटना मृत्यु सुविधा
बीमालेख अवधिमा बीमितको दुर्घटनाको कारणबाट मृत्यु भएमा, इच्छयाइएको व्यक्तिलाई बीमाङ्क रकम बराबरको थप रकम वा रु.१ करोड मध्ये जुन कम हुन आउँछ सो रकम भुक्तानी गरिनेछ । यो सुविधा लिनको निम्ति बिमित १६ वर्षको पुगेको हुनु पर्नेछ ।
पूर्ण स्थायी अशक्तता सुविधा
बीमालेख अवधिमा बीमित दुर्घटनाको प्रत्यक्ष कारणबाट पूर्ण स्थायी रुपमा अशक्त भएमा, बीमाङ्क बराबरको रकम १२० मासिक किस्तामा भुक्तानी गरिनेछ । यो सुविधा लिनको निम्ति बिमित १६ वर्षको पुगेको हुनु पर्नेछ ।
बीमाशुल्क छुट सुविधा
बीमालेख अवधिमा बीमित दुर्घटनाको प्रत्यक्ष कारणबाट पूर्ण स्थायी रुपमा अशक्त भएमा, घटना मिति पछि बीमाशुल्क भुक्तानी गर्नु पर्ने छैन ।